Waziri Abdallah Kigoda azikwa, Rais Kikwete aongoza waombolezaji

Rais wa Jamhuri ya Muungano wa Tanzania,Jakaya Mrisho Kikwete akiungana na wananchi wa Handeni Mkoani Tanga, katika kumzika aliyekuwa waziri wa Viwanda na Biashara Dk. Kigoda, Rais akiwa na chepe ya mchanga.

Makamu wa rais Dk Mohamed Gharib Bilal ameongoza waombolezaji kuuaga mwili wa aliyekuwa waziri wa viwanda na biashara Dr.Abdalah Kigoda kabla ya kusafirishwa kuelekea Handeni mkoani Tanga kwa maziko.

Zoezi hilo limefanyika katika viwanja vya Karemjee jijini Dar es Salaam na kuhudhuriwa na viongozi mbalimbali wa kisiasa na serikali wakiwemo marais wastaafu Alhaji Ally Hassan Mwinyi, Benjamin Mkapa, spika wa bunge mama Anne Makinda na katibu mkuu kiongozi balozi Ombeni Sefue.

 

Akitoa salaam za serikali waziri wa mambo ya ndani ya nchi Mh Mathias Chikawe mbali na kuelezea namna marehemu Kigoda alivyolitumikia taifa kwa uadilifu katika nafasi zote alizopewa au kuteuliwa amesema wananchi wa jimbo lake la Handeni wamepoteza kiongozi shupavu.

 

Baadhi ya mawaziri na makatibu wakuu ambao aliwahi kufanya nao kazi nao wamepata fursa ya kuelezea utendaji wake ambao wamedai kuwa ulikuwa shirikishi jambo ambalo ni nadra kwa baadhi ya viongozi.

 

Mkurugenzi mtendaji wa taasisi ya sekta binafsi TPSF Bw Godfrey Simbeye ni miongoni mwa viongozi wa taasisi zilizohudhuria zoezi hilo ambapo amesema kwa niaba ya TPSF wamtaka rais ajaye na serikali ijayo kuhakikisha inateua waziri wa viwanda na biashara atakayefuata nyayo za marehemu Kigoda ambaye alipenda kujadiliana na sekta binafsi.

 

Marehemu Kigoda alizaliwa Novemba 25 mwaka 1953 wilayani Korogwe mkoani Tanga na kufariki dunia Octoba 12 mwaka huu huko nchini india alikokuwa akipatiwa matibabu na ameacha mjane watoto watatu na wajukuu wanne.


Chagua kiongozi bora ili kuleta mabadiliko

Share on Google Plus

About Rafiki Fm Ludewa

This is a short description in the author block about the author. You edit it by entering text in the "Biographical Info" field in the user admin panel.