WAGOMBEA UBUNGE WALIOFARIKI DUNIA WAFIKIA SITA

Idadi ya wagombea ubunge katika uchaguzi wa mwaka huu, waliofariki wakiwa kwenye harakati za kampeni imefikia sita, kufuatia kifo cha aliyekuwa mgombea wa Ludewa (CCM) Deo Fikunjombe.

 

Wagombea wengine wa ubunge wa CCM waliofariki ni Waziri wa Nchi Ofisi ya Rais Manejimenti ya Utumishi wa Umma, Celina Kombani.

Kombani  alifariki dunia wakati akipatiwa matibabu nchini India kutokana na ugonjwa wa saratani ya kongosho.

 

Wengine ni aliyekuwa Waziri wa Viwanda na Biashara Dk Abdallah Kigoda , aliyefariki Oktoba 12, mwaka huu nchini India.

 

Dk.Kigoda ambaye alikuwa mgombea ubunge Jimbo la Handeni alizikwa Alhamisi wiki hii nyumbani kwake Handeni mkoani Tanga.

 

Kwa upande wa vyama vya upinzani waliofariki ni Mwenyekiti wa Chama cha National League for Democracy (NLD), Dk Emanuel Makaidi.

 

Dk.Makaidi ambaye alifariki juzi kutokana na maradhi ya shinikizo la damu  alikuwa akigombea ubunge jimbo la Masasi mkoani Lindi.

Wengine ni mgombea ubunge wa ACT jimbo la Arusha Mjini Estomih Malla na mgombea wa Chadema jimbo la Lushoto Mohammed Mtoi.

 

Mtoi alifariki katika ajali ya gari iliyotokea mwezi uliopita.

Kwa mujibu wa kifungu namba 49 cha Sheria ya Uchaguzi ya mwaka 1985, iwapo kutatokea kifo cha mgombea wa udiwani au ubunge na msimamizi wa uchaguzi akajiridhisha, kampeni zitaahirishwa kwa siku 30 ili kupata mgombea mwingine.

CHANZO: NIPASHE

RAHA YA MILELE UWAPE Eee BWANA....

NA MWANGA WA MILELE UWANGAZIE Eee BWANA....

WAPUMZIKE KWA AMANI................AMINA.

Chagua kiongozi bora ili kuleta mabadiliko

Share on Google Plus

About Rafiki Fm Ludewa

This is a short description in the author block about the author. You edit it by entering text in the "Biographical Info" field in the user admin panel.