UKIFIKA MUDA WA MATOKEO KAENI MITA 200 SUBILINI MATOKEO WANANCHI WILAYANI MAKETE

wananchi wilayani makete mkoani njombe wamekuwa na sintofahamu juu ya mkanganyiko juu ya umbali wa kusimama baada ya kupiga kura katika uchaguzi mkuu na kauli iliotolewa na tume ya taifa ya uchaguzi ya kurudi nyumbani baada ya kupiga kura.

wakizungumza katika kipindi kinachorushwa na  redio green fm 91.5 Mhz.iliopo wilayani makete mkoani njombe,wananchi hao wameonesha kuchanganywa na taarifa za tume kwa kuwa sheria inasema baada ya kupiga kura unatakiwa kusimama umbali wa mita 200 bila kueleza nini unatakiwa kukifanya baada ya umbali huo.

taarifa ya hivi karibu ya tume ya taifa ya uchaguzi imekuwa ikisisitiza  baada ya kupiga kura unatakiwa kurudi nyumbani kuendelea na majukumu yako huku wakiaminishwa kuwa mawakala na wasimamizi wa uchaguzi ndio watakuwa walinzi wa kura hizo.

mtangazaji wa kipindi hicho cha Morning Alarm ya Green fm,Asukile Mwalwembe na Edwin Moshi wamelazimika kukata kauli hiyo kwa kumpigia simu msimamizi wa uchaguzi halmashauri ya wilaya makete bw.Emanueli Gregory huku swali la kwanza likiwa ''Nini mpiga kura anatakiwa kukifanya baada ya kupiga kura''??

''ahsante mtangazaji niseme kwamba siku hiyo ni siku nyeti sana hapa nchini tarehe 25 oktoba mwaka huu yaani jumapili hii,mandiki ya uchaguzi ni kuwa ukisha piga kura ukae umbali wa mita 200 lakini tunasimamia kauli ya tume ya uchaguzi ya taifa NEC ukisha piga kura rudi nyumbani kaendelee na shughuli zako na muda wajioni ukifika kuanzia saa kumi kaa mbali mita 200 subili matokeo ambayo yatabandikwa katika kituo hicho ulichopigia kura.''

matokeo ya uchaguzi yatakusanywa ngazi ya kata ambapo matokeo ya udiwani yatatangazwa na msimamizi wa uchagzui wa kata ,matokeo ya ubunge yatakusanywa na kutangazwa na msimamizi wa jimbo husika .

 bw.gregory ametumia fursa hiyo kuwataka mawakala wa vyama vya siasa waliokula kiapo kuwa waaminifu na kuhakikisha wanalinda kura za wagombea wao ipasavyo ili kuepusha machafuko na uvunjifu wa amani.

pia amesema kuwa ni vyema wapiga siku ya jumapili ya tarehe 25 oktoba mwaka huu kuto vaa sare au aina yoyote ile inayoashiria chama fulani kwani siku hiyo akivaa sheria itachukua mkondo wake kwa kuwa atakuwa anaendeleza kampeni za chama wakati muda umeisha.

hata hivyo amekataa mikusanyiko ya watu katika maeneo ya vituo vya kupigia kura wakati wote wakusubili matokeo ya uchaguzi kwa kuwa ni kinyume cha sheria za uchaguzi.

MUNGU IBARIKI TANZANIA,MUNGU WABARIKI WAPIGA KURA NA UTULIVU NA AMANI ITAWALE WAKATI HUU WA UCHAGUZI.

Chagua kiongozi bora ili kuleta mabadiliko

Share on Google Plus

About Rafiki Fm Ludewa

This is a short description in the author block about the author. You edit it by entering text in the "Biographical Info" field in the user admin panel.