CCM yataja sababu 5 Ukawa kushindwa utafiti wa Twaweza

Mgombea Urais wa Ukawa ndugu Edward Lowassa.

Siku moja baada ya taasisi ya Twaweza kutangaza ushindi mnono kwa mgombea Urais wa CCM,Dkt.John Pombe Magufuli dhidi ya Mgombea Urais wa Ukawa Edward Lowassa, Kada wa chama cha Mapinduzi Januari Makamba  ametaja sababu tano za mgombea wa UKAWA kupata asimilia chache katika utafiti huo.
Akizungumza na Waandishi wa  habari leo katika ofisi ndogo za CCM jijini Dar es salaam Makamba amesema kuwa   CCM haikushangazwa na matokeo ya utafiti wa taasisi huru ya Twaweza yaliyotangazwa jana ambayo yanatoakana na  sababu  tano zifuatazo;

1. Siku UKAWA walipomteua Ndugu Edward Lowassa kuwa mgombea wao ndio siku CCM ilipohakikishiwa ushindi katika uchaguzi wa mwaka huu. CCM hawakumteua kwasababu waliamini hakuna namna ambapo Watanzania wengi watamchagua.
2. Katika uchaguzi wa mwaka huu CCM wanafanya utafiti wao wa ndani wa kisanyansi kila wiki kujua mwenendo na mwelekeo wa kampeni na maeneo yanayohitaji nguvu mahsusi. Tangu waanze utafiti wao mwishoni mwa mwezi Agosti, karibu kila wiki asilimia za ushindi wa CCM hazijawahi kushuka chini ya asilimia 60 na zimekuwa zinapanda.
3. Kazi kubwa anayofanya mgombea wetu, Ndugu John Pombe Magufuli, na mgombea-mwenza, Ndugu Samia Suluhu Hassan, kuzunguka nchi nzima kwa barabara na kuongea moja kwa moja na wapiga kura inazaa matunda. Wanawafikia wapiga kura wengi, hasa wa vijijini, na wapiga kura hao wanawaelewa.
4. Kampeni kubwa zinazofanywa na wagombea Ubunge na Udiwani wa CCM na makada na viongozi wa Chama katika ngazi zote nchi nzima kila siku kumuombea kura Magufuli nazo zinazaa matunda.

<a href='https://mpakasi.com/ads/www/delivery/ck.php?n=a08724c9&amp;cb=Math.random()' target='_blank'><img src='https://mpakasi.com/ads/www/delivery/avw.php?zoneid=19&amp;source=https%3A%2F%2Fmpakasi.com&amp;cb=Math.random()&amp;n=a08724c9' border='0' alt='' /></a>

5. CCM inaamini pia migogoro ndani ya UKAWA katika kipindi hiki cha uchaguzi iliyopelekea mitafaruku katika kuachiana majimbo na, baadaye, kutokana na uteuzi wa Mgombea Urais wa UKAWA, kupelekea kujiuzulu kwa viongozi wa muda mrefu na maarufu wa UKAWA, Profesa Ibrahim Lipumba na Dr. Wilbrod Slaa, na migongano ndani ya NCCR-Mageuzi, yote haya yamepunguza imani ya wananchi kuhusu uwezo wa vyama hivi kushika dola.
Katika hatua nyingine  matokeo ya utafiti huu ni ishara kwamba Watanzania wamempokea na kumuelewa Ndugu Magufuli na wako tayari kumchagua katika uchaguzi mkuu utakaofanyika tarehe 25,oktoba.



Chagua kiongozi bora ili kuleta mabadiliko

Share on Google Plus

About Rafiki Fm Ludewa

This is a short description in the author block about the author. You edit it by entering text in the "Biographical Info" field in the user admin panel.