HALMASHAURI
ya Wilaya ya Nkasi imeipongeza na kuahidi kuizawadia Sh 500,000 Shule
ya Msingi Kilambo cha Mkolechi ya mwambao wa Ziwa Tanganyika, Kata ya
Kala kwa kushika nafasi ya kwanza mkoani Rukwa katika matokeo ya Taifa
ya kuhitimu Darasa la Nne uliofanyika 2015.
Hiyo
ni shule ambayo wanafunzi wake wapatao 40 ambao mmoja wa mwalimu wa
shule hiyo, aliwapiga marufuku wasivae shuleni hapo wala wasiingie
darasani na viatu maarufu ‘yebo yebo’ ambapo viatu hivyo viliteketezwa
na moto shuleni hapo.
Kwa
mujibu wa matokeo mtihani wa Taifa wa Darasa la Nne yaliyotolewa na
Baraza la Taifa la Mitihani (NECTA) 2015, inaonesha kuwa wanafunzi 33 wa
Shule ya Kilambo cha Mkolechi walifanya mtihani huo ambapo kiwilaya
shule hiyo iliibuka ya kwanza kati ya shule 97 zilizoko wilayani Nkasi.
Kadhalika,
shule hiyo katika matokeo ya mtihani huo imeibuka ‘kidedea’ kwa kushika
nafasi ya kwanza kimkoa kati ya shule 358 zilizoko mkoani Rukwa, ambapo
kitaifa imeshika nafasi ya 1,250 kati ya shule 16,627 za msingi.
Akizungumza
na gazeti hili, Kaimu Mkurugenzi wa Halmashauri ya Wilaya ya Nkasi ,
Misana Kwangula alilishukuru gazeti hili kwa kuripoti taarifa vinginevyo
kisa hicho kingesababisha mvutano kati ya wazazi na walimu wa shuleni
hapo.
“Nikushukuru
sana kwa hilo ulinisaidia sana … isitoshe tulimwagiza mwalimu huyo
aliyehusika na mkasa huo (Baraka Mwakasege) ambaye aliwanunulia watoto
hao wote ‘yebo yebo’ mpya kwa fedha zake mwenyewe. Cha kufurahisha zaidi
Shule ya Msingi Kilambo cha Mkolechi imefanya vizuri sana katika
mtihani wa Taifa wa kuhitimu Darasa la Nne ambapo kimkoa imeshika nafasi
ya kwanza,” alieleza Kwangula.
Kwangula
ambaye pia ni Ofisa Elimu Halmashauri ya Nkasi (Shule za Msingi)
alikiri kufurahishwa kwake kwa shule hiyo kufanya vizuri katika mtihani
wa Taifa wa kuhitimu Darasa la Nne ambapo halmashauri yake itaizawadia
Sh 500,000.
Ludewa yetu na maendeleo yetu
0 comments:
Post a Comment