Louis van Gaal anaweza kuondoka Manchester United endapo klabu hiyo itashindwa kupata nafasi ya kucheza Ligi ya Mabingwa Ulaya, amesema Ronald De Boer.
De Boer ambaye ni rafiki wa karibu wa Van Gaal, amesema kocha huyo anafahamu fika kwamba Man United ni timu kubwa ambayo ni muhimu kushiriki katika ligi hiyo na kusisitiza kuwa kama akishindwa kufanya hivyo, basi mwenyewe kwa matakwa yake atang’atuka klabuni hapo.
“Louis analielewa hilo kuliko mtu yoyote yule, kwamba klabu ya hadhi ya Manchester United ni angalau basi ipate nafasi ya kucheza Ligi ya Mabingwa Ulaya. Na akishindwa kufanya hivyo, basi ajue kwamba huo ndiyo mwisho wa habari yake klabuni hapo,” De Boer amesema.
“Kwa maoni yangu, Louis bado ni kocha wa kiwango cha dunia na anafanya kila awezalo kuhakikisha anabaki klabuni hapo. Lakini kila lawama zinazoelekezwa kutokana na matokeo na aina ya uchezaji wa timu hiyo ni sahihi.
Ludewa yetu na maendeleo yetu
0 comments:
Post a Comment