Louis van Gaal haamini kama taarifa za ujio wa Mourinho kunako klabu ya Manchester United zina ukweli huku akikanusha kwamba amekalia kuti kavu klabuni hapo.
Hivi karibuni, Mourinho amekuwa akihusishwa sana kujiunga na ‘Mashetani Wekundu’, huku taarifa mbalimbali zikiweka wazi kuwa wawakilishi wa Mourinho tayari wamekutana na baaddhi ya viongozi waandamizi wa Man United.
Van Gaal amesema kwamba taarifa hizo zimeiathiri kwa kiasi kikubwa sana familia yake, lakini kamwe hajawahi kuutilia shaka uwezo wake na haamini kama ataporwa nafasi yake na Mreno huyo.
“Kwa takriban miezi miwili sasa, familia yangu imekuwa katika wakati mgumu sana. Mke wangu, watoto wangu, wajukuu zangu na hata marafiki zangu wamewiwa vigumu sana kuendana na hali hii, Lakini hata kwangu pia, ila kwa upande wangu mimi naweza kuvumilia”, Van Gaal alisema.
“Nchini Uholanzi, wanafahamu huwa ni vigumu sana mimi kutilia shaka uwezo wangu, lakini natambua fika upuuzi huu unaenezwa sana juu yangu”.
“Sina uhakika kwamba tayari kuna mahusiano kati ya Jose Mourinho Manchester United”, alisema.
Ludewa yetu na maendeleo yetu
0 comments:
Post a Comment