Timu ya Mtibwa Sugar imeisukuma nje ya mashindano timu ya Mafunzo ya visiwani Zanzibar baada ya kuifunga kwa bao 1-0 kwenye mchezo wa kwanza uliochezwa January 5, 2016 kwenye uwanja wa Amaan.
Said Bahanuzi ndiye aliyeitupa nje Mafunzo kwani goli lake la dakika ya 12 kipindi cha kwanza lilidumu mpaka dakika zote 90 za mchezo zinamalizika.
Ushindi huo unaipa matumaini Mtibwa Sugar kwasababu imefikisha pointi nne baada ya michezo miwili.
Matokeo ya leo ni faraja kwa Mtibwa ambao goli lao la ushindi kwenye mchezo dhidi ya Azam lilikataliwa na mwamuzi wa pembeni Dalila Jaffar Mtwana ambaye tayari ameshawajibishwa kwa kuondolewa kwenye orodha ya waamuzi wanaoendelea kuchezesha mashindano hayo.
Matokeo hayo yanaiondoa kwenye mashindano timu ya Mafunzo ambayo imepoteza michezo yake miwili na kubakiza mchezo mmoja ambao utakuwa ni wa kukamilisha ratiba itakapocheza dhidi ya Azam FC.
Ludewa yetu na maendeleo yetu
0 comments:
Post a Comment