Imeelezwa kuwa klabu ya Manchester United haina mpango wa kumuachia kiungo wao raia wa Ubelgiji, Maruane Fellaini katika dirisha hili dogo la usajili (January Transfer Window) pamoja na kutakiwa kwa mchezaji huyo na vilabu mbalimbali barani Ulaya.
Gazeti la Daily Mail la nchini Uingereza limeripoti kuwa tayari klabu ya soka ya Manchester United imeitolea nje ofa ya AC Milan ya Italia inayomhitaji kiungo huyo kwa mkopo mwezi huu.
Gazeti hilo limeandika kuwa Maruane Fellaini yuko tayari kupigania nafasi yake kikosini hapo huku pia akiamini kuwa future yake imelalia Old Trafford pamoja na kuhitajika na vilabu mbalimbali hivi sasa.
Maruane Fellaini alianza mara nane tu msimu huu huku akiwa miongoni mwa kikosi kilichopokea vichapo vinne mfululizo, lakini hajacheza katika mechi mbili za mwisho dhidi ya Chelsea na Swansea na kushuhudia United ikikusanya alama nne katika michezo hiyo miwili.
Habari nyingine za usajili kikosini hapo zinasema kuwa kiungo Nick Powell anatakiwa kwa mkopo na klabu ya soka ya Championship ya Preston City mwezi huu wa Januari.
Ludewa yetu na maendeleo yetu
0 comments:
Post a Comment