Barcelona imekata tiketi ya kucheza nusu fainali ya michuano ya kombe la mfalme Copa del Rey baada ya kuifunga Athletic Bilbao kwa bao 3-1 kwenye mtanange ulioangushwa kwenye uwanja wa Nou Camp.
Barcelona wakiwa wanaongoza kwa goli 2-1 walizoshinda kwenye mchezo wa kwanza walishangazwa walipotupiwa bao na Inaki Williams aliyeiweka Bilbao mbele kwenye dimba la Nou Camp.
Luis Suarez akaisawazishia Barelona kabla ya magoli mawili ya dakika za lala salama yaliyofungwa na Gerard Pique pamoja na Neymar kuihakikishia Barca ushindi.
Barcelona ipo kileleni mwa La Liga ikiwa tayari imeshinda Super Cup na Fifa Club World Cup wakati huohuop wakiwa bado kwenye mbio za kuwania taji la klabu bingwa Ulaya (UEFA Champions League).
Kwingineko, mabingwa wa taji hilo mwaka 2013 Atletico Madrid wameangukia pua baada ya kujikuta wakifungashiwa virago kwenye michuano hiyo kwa aggregate ya 3-2 na Celta Vigo.
Baada ya sare ya bila kufungana kwenye mchezo wa kwanza Atletico ikiwa ugenini, Pablo Hernandez aliifungia Vigo bao la kuongoza kabla ya Antoine Griezmann kusawazisha.
Magoli mawili ndani ya dakika saba za kipindi cha pili kutoka kwa John Guidetti na Hernandez yakaipa Celta Vigo nafasi ya kuongoza mchezo huo.
Angel Correa akaifungia Atletico bao la pili lakini halikutosha kuizuia Celta kufuzu kwa hatua ya nusu fainali ya michuano hiyo.
Ludewa yetu na maendeleo yetu
0 comments:
Post a Comment