Habari mbaya kwa walaji wa mboga za majani Dar, wapo hatarini kupoteza maisha

Wakazi wa jiji la Dar es salaam wapo katika hatari ya kupatwa na magonjwa makubwa kamasaratani, utasa, kupoteza uwezo wa kuona,kuharibu ubongo,maini na figokutokana na matumizi ya mboga za majani zinazolimwa katika mabonde ya jiji hilo. Matumizi ya mboga hizo ni makubwa jijini humo,yakitokana na umuhimu wake kwa afya za watu na hali duni ya maisha inazozifanya familia nyingi kumudu gharama zake ikilinganishwa na vitoweo vingine. Sehemu kubwa ya mboga hizo inatokana na kilimo kinachofanyika katika mbonde la mto Msimbazi namaeneo ya Kigogo-Sambusa,Ubungo,Gereji mchicha,Vingunguti na Tandale. Katika Gazeti la NIPASHE limesema tayari matokeo ya tafiti kadhaa yamedhihirisha maji yanayotumika kwa umwagiliaji wa mboga za majani jijini humo kuwa na kemikali zenye sumu ama taka zinazotoka viwandani na kwenye makazi ya watu. Pili wakazi wanaoishi pembezoni mwa bonde la Msimbazi na maeneo mengine yanayolimwa mboga hizo,wamebainika kutupa taka kama betri zilizoisha muda wa matumizi,masalia ya simu za mkononi,vipuri vya magari na majokofu mabovu. Taka hizo zenye sumu zinatupwa kwenye mifereji ya maji yanayotumika kwa umwagiliaji wa mboga hivyo kuzidi kuhatarisha afya za walaji. Chuo Kikuu cha Ardhi kilifanya utafiti katika bonde la mto Msimbazi na udongo na maji kwa vigezo vya Shirika la Afya dunia WHO na Shirika la viwango nchini TBS. Akizungumzia utafiti huo mhadhiri wa Uhandisi wa Mazingira kutoka Chuo kikuu cha Ardhi ‘Aru’ Willium Mwagoha alisema waligundua mabwawa ya majitaka yanayotokamabibo, dampo la vingunguti, viwandani na gereji mbalimbali yanamwaga maji kwenye mto huo. Dk.Mwegoha alisema mboga zilizomwagiwa maji hayo zilibainika kuwa na sumu zilizokuwa na madini ya risasi,shaba na kromiamu ambazo zote zina madhara kwa binadamu. Aliasema katika utafiti huo walibaini kuwa mboga hizo zinauzwa kwenye masoko ya Ilala, Kariakoo, Buguruni, Veterani,Tazara, Mwananyamala, Mnyamani, Kigogo, Kisutu, Vingunguti, Tabata, Mikoroshini na maeneo ya jirani na wkaulima hao.

Share on Google Plus

About Rafiki Fm Ludewa

This is a short description in the author block about the author. You edit it by entering text in the "Biographical Info" field in the user admin panel.