AFARIKI KWA KUPIGWA RADI AKIENDA KILABUNI KUNYWA POMBE ZA KIENYEJI

Mkazi wa kitongoji cha Ngena, wilayani Rungwe mkoani Mbeya, Watsoni Mwakiposa (80) amefariki dunia baada ya kupigwa na radi akielekea kwenye kilabu cha pombe. Akizungumza na waandishi wa habari jana, Ofisa Mtendaji wa Kijiji hicho, William Ndille, alisema mzee huyo alikutwa na umauti jana majira ya saa 1:00 usiku wakati akielekea katika kilabu cha pombe za kienyeji. Akielezea tukio hilo, Ndille alisema mzee huyo alikutwa na mauti akiwa njiani kuelekea katika kilabu cha pombe ambapo kulikuwa na mvua iliyoambatana na radi. Ndille alisema baada ya tukio hilo waliliarifu Jeshi la Polisi wilayani humo ambao walifika eneo hilo na kuupeleka mwili wa mzee huyo katika hospitali ya Wilaya ya Rungwe kwa uchunguzi zaidi. Alisema kwa kuwa tukio hilo ni la pili, aliwataka wakazi wa kijiji hicho kupunguza miti iliyozidi katika eneo hilo ili kuepusha madhara. Na Ibrahim Yassin-Mbeya

Share on Google Plus

About Rafiki Fm Ludewa

This is a short description in the author block about the author. You edit it by entering text in the "Biographical Info" field in the user admin panel.