JUMUIYA YA MRADI WA UMEME LUMAMA YAKABIDHIWA MRADI WA UMEME NA SHIRIKA LA ACRA MKOANI NJOMBE

 MGENI RASMI ERNEST MKONGO KWA NIABA YA MKUU WA MKOA WA NJOMBE KEPTAIN MSTAAFU ASERI MSANGI

 WANAFUNZI WA SHULE YA MSINGI MAPOGORO WILAYANI LUDEWA

 BURUDANI YA VIKUNDI MBALIMBALI VYA NGOMA NA KWAYA VIKITUMBUIZA

 BEPPE BUSCEGHE ACRA PROJECT MENEJA AKITOA HOTUBA YAKE YA UTEKELEZAJI WA MRADI HUO KABLA YA KUKABIDHI

 WANANCHI WA KATA TATU ZA LUDEWA MLANGALI,MAWENGI NA MILO

 KATIBU WA JUMUIYA YA UMEME-LUMAMA PHILBERT L.KAYOMBO AKITOA NASAHA KIDOGO BAADA YA KUKABIDHIWA

 MWENYEKITI WA KIJIJI CHA MAPOGORO BWANA HERMAN LUBEN MCHIRO AKIFUNGUA MKUTANO

 KAIMU MKURUGENZI WA HALMASHAURI YA WILAYA YA LUDEWA HORACE  W. KORIMBA AKIZUNGUMZA NA WANANCHI JUU YA KUUTUNZA MRADI HUO USISIMAME  NA KUHARIBIWA MIUNDOMBINU YAKE

 MENEJA KAMPUNI YA TANWAT KIMASA SHEJA AKIIWAKILISHA KAMPUNI YA TANWAT INAYOHUSIKA NA UPANDAJI MITI NA UTUNZAJI MAZINGIRA

 KATIBU TAWALA WILAYA YA LUDEWA STEPHAN A.ULAYA

 KIKUNDI CHA NGOMA YA MTULI MAPOGORO NA MAWENGI

 HAWA NI WANANCHI WA KATA TATU ZINAZONUFAIKA NA MRADI HUO WA UMEME LUMAMA

 MENEJA CRDB  MKOA WA NJOMBE WA KATIKATI AKIWA NA WENZAKE WAKATI WA KUKABIDHI MRADI HUO

 DIWANI WA KATA YA MILO BWANA DAUD THOMAS MWAFYUMAH

 ACRA PROJECT MENEJA BWANA BEPPE BUSCEGHE KUTOKA NCHINI ITALI

 WITGAL NKONDOLA  AFISA WA MAJI  BONDE LA ZIWA NYASA  LA TUKUYU-MBEYA

 MENEJA CRDB MKOA WA NJOMBE

 FURAHA KUBWA KWA WANANCHI KWA KUPATA MRADI HUO

Shirika  lisilo la kiserikali la ACRA Mkoa wa Njombe jana limekabidhi mradi wa umeme kwa Bodi ya Jumuiya ya mradi wa umeme Lumama Wenye thamani ya shilingi bilioni sita unaozalisha kilowati mia tatu za umeme.

Mradi huo wa umeme ulioanza kutekelezwa na shilika hilo la ACRA tangu mwaka 2006 unahudumia vijiji nane vya kata tatu za Mlangali,Milo na Mawengi Wilayani Ludewa tayari umeanza kuwanufaisha wananchi wa kata hizo  Ambao wamekwisha kuingiziwa kwenye nyumba zao,Viwanda na zahanati.


Akizungumza kwa niaba ya Mkuu wa mkoa wa Njombe Keptain Mstaafu Aseri Msangi baada ya kupokea mradi huo,Kaimu Mkuu wa mkoa wa Njombe Ernest Mkongo amewataka wananchi kutunza vyanzo vya maji na mazingira ili kutililisha maji kwa wingi na  kuongeza kilowati za umeme kutoka kilowati mia tatu na kufikia kiwango cha mega wati na wananchi wa vijiji vingine wanufaike.

Aidha bwana Mkongo amewataka wananchi kwa kushirikiana na viongozi wa vijiji,kata na Jumuiya ya mradi huo wa umeme  Lumama kuhakikisha wanatoa taarifa sehemu husika juu ya wanaosababisha uharibifu wa mazingira na vyanzo vya maji kwa kuchoma moto na kulima kwenye vyanzo hivyo ili maji yasipungue kwenye vyanzo vyake.

Awali akikabidhi mradi wa umeme Lumama Meneja wa mradi huo kutoka Shirika la Acra bwana Beppe Busceghe amewataka wananchi wa kata hizo tatu za Mlangali,Milo na Mawengi Wilayani Ludewa kutunza miundombinu ya umeme na vyanzo vya maji ili udumu kwa muda mrefu.

Bwana Busceghe amesema kwa kipindi ambacho mradi huo umekuwa katika hatua za utekelezaji, mwaka 2006 mto Kasongo ambao unazalisha umeme huo  ulikuwa nauwezo wa kutiririsha lita mia sita kwa sekunde Ambapo kwa sasa kiwango kimepungua na kufikia lita mia tatu kwa sekunde.

Amesema pia wamefanikiwa kutekeleza miradi mingine ikiwemo elimu kwa kujenga na kukarabati madarasa katika shule za msingi,kuchimba visima,ujenzi wa vyoo,kuingiza umeme kwenye taasisi za serikali ikiwemo zahanati,mafunzo kwa baadhi ya walimu,kujenga majiko ya kisasa kwaajili ya shule za msingi,pamoja na kugawa  vitabu na mahitaji mengine wameweza kuyafanya.

Kwa upande wake Kaimu Mkurugenzi wa halmashauri ya Wilaya ya Ludewa bwana Horacy Kolimba ameahidi kusimamia utunzaji wa mazingira na vyanzo vya maji na kuwataka wenyeviti,watendaji na madiwani wa kata kuhakikisha wanasimamia na kuchukua hatua kwa atakaye kiuka agizo la serikali.

Katibu wa jumuiya ya mradi wa umeme Lumama bwana Philibet Kayombo amesema jumuiya hiyo itahakikisha mradi huo hausimami na kusema kuwa shirika la ACRA pamoja na kutekeleza mradi wa umeme lakini wamesaidia kuwapeleka walimu chuo cha klelu kwaajili ya mafunzo na kutoa mahitaji mbalimbali ikiwemo kompyuta arobaini katika shule za sekondari na kutekeleza miradi ya maji.

Mradi wa umeme  Lumama unazalishwa kwenye chanzo cha Mto Kasongo  Wilayani Ludewa ambapo nao wananchi wakatoa maoni yao kuhusu mradi huo kwa kutaka jumuiya ya umeme lumama kupeleka ankra za umeme karibu nao ili kupunguza kusafiri umbali mrefu kuliko kwenda kulipia kata ya mawengi ambako ni gharama zaidi.


Jivunie kuwa mwana ludewa

Share on Google Plus

About Rafiki Fm Ludewa

This is a short description in the author block about the author. You edit it by entering text in the "Biographical Info" field in the user admin panel.