YANGA YAENDELEZA WIMBI LA USHINDI KOMBE LA UHAI…MWENDO ULE ULE, KIDUDE NA HAINA KUCHOMOA

YANGA SC imeendeleza wimbi la ushindi katika michuano ya vijana ya timu za Ligi Kuu ya Vodacom Tanzania Bara, maarufu kama Kombe la Uhai baada ya asubuhi hii kuilaza Coastal Union ya Tanga bao 1-0, Uwanja wa Karume, Ilala, Dar es Salaam.
Shujaa wa Yanga SC leo alikuwa ni Hamisi Issa aliyefunga bao hilo pekee dakika ya 67 akimalizia pasi ya Hassan Kidishi.

Huo unakuwa ushindi wa pili mfululizo kwa Watoto hao wa Jangwani, baada ya awali kuilaza Mbeya City bao 1-0 kwenye Uwanja huo huo.
Kocha wa Yanga B, Salvatory Edward Augustino ‘Doctor’ alifurahishwa na matokeo hayo na kusema kwamba vijana wake wamecheza mechi ngumu mno mwanzoni, lakini wamefanikiwa kushinda.
“Kama ambavyo umeona mechi zetu zote tulizocheza ni ngumu, Mbeya City ni timu nzuri sana na leo Coastal umewaona ni wazuri, lakini wote tumewafunga, nina kila sababu ya kuwapongeza vijana wangu,”alisema kiungo huyo wa zamani wa Yanga.
Wakati Yanga iliifunga Mbeya City 1-0 katika mchezo wa kwanza, Coastal Union nayo iliilaza Azam FC mabao 2-1.

Share on Google Plus

About Rafiki Fm Ludewa

This is a short description in the author block about the author. You edit it by entering text in the "Biographical Info" field in the user admin panel.