JACK WILSHERE AINGIA KWENYE MZOZO NA WACHEZAJI WASIO NA ASILI YA UINGEREZA BAADA YA KAULI YAKE HII KUWA YA KIBAGUZI

Kiungo wa Arsenal na timu ya taifa ya England Jack Wilshere amepinga wazo la kutoa uraia kwa wachezaji wasio na asili ya England na kutoa fursa ya kuichezea timu ya taifa ya England .

Wilshere alizungumza hayo wakati anajibu maswali ya waandishi wa habari juu ya mawazo ya kocha wa England Roy Hodgson ambaye amevutiwa na kipaji cha kiungo wa Manchester United Adnan Januzaj hadi ya kufikiria kumshawishi aichezee England .soma zaidi,,,,,,,,,,,,,,,,,,

Wilshere amesema kuwa England inapaswa kuwakilishwa na wachezaji waliozaliwa England pekee na si wahamiaji kwa kuwa hawawezi kuwa na asili ya utaifa kama waliyo nayo wachezaji waliozaliwa England .

Mawazo ya Wilshere yamepingwa na kocha wa timu ya taifa ya vijana ya England Gareth Southgate ambaye kikosi chake kina wachezaji watano ambao sio wazaliwa wa England .

Jamii ya wanamichezo ya England ikiongozwa na nahodha wa zamani wa timu ya taifa ya Cricket ya Ungereza Kevin Pietersen imempinga vikali kiungo huyo wa Arsenal kwa kile kinachoonekana kama ubaguzi .

Pitersen ambaye sio mzaliwa wa England alizaliwa nchini Afrika Kusini lakini aliiwakilisha England na kuipa mafanikio makubwa kwenye mchezo wa kriketi.

Zaidi ya Pitersen yupo mwendesha baiskeli Chris Vroome ambaye alizaliwa nchini Kenya na kukulia nchini Afrika ya kusini lakini anaiwakilisha England kwenye mashindano ya baiskeli na mapema mwaka huu alishinda ubingwa wa mashindano ya Tour De France.

Pitersen alipinga mawazo ya Wilshere kupitia mtandao wake wa twitter ambapo alimhoji kiungo huyo kuwa mawazo yake juu ya wanaopaswa kuiwakilisha England yanamhusu yeye (Pietersen) ambaye ni mfano mzuri wa Muingereza ambaye hakuzaliwa nchini Humo.

Kevin Pietersen ambaye amepinga mawazo ya Jack Wilshere anayetaka wachezaji waliozaliwa England kuichezea timu hiyo na si waliozaliwa nje.

Wenzie Wilshere wanaocheza naye kwenye timu ya taifa wametoka kwenye sehemu tifauti tofauti lakini hii leo wana uraia wa England.

Wachezaji kama Wilfred Zaha , Raheem Sterling , Saido Berahino na Nathaniel Chalobah wamezaliwa nje ya England ambapo Zaha amezaliwa Ivory Coast , Chalobah amezaliwa Sierra Leone , Sterling amezaliwa Jamaica , Berahino amezaliwa Burundi lakini wote wanaichezea England hii leo.

Wanamichezo wengine maarufu kama Mo Farah ambaye ameiwakilisha England kwenye riadha ambapo ametwaa medali kadhaa za dhahabu kwenye mashindano ya Olimpiki na mashindano ya dunia pamoja na ya ulaya lakini si mzaliwa wa England .

Mwanariadha Mo Farah ni mzaliwa wa Somalia lakini amekuwa akiiwakilisha Uingereza.

Mwendesha Baiskeli Chris Froome ambaye anaiwakilisha Uingereza pamoja na kuwa mzaliwa wa Kenya.

Share on Google Plus

About Rafiki Fm Ludewa

This is a short description in the author block about the author. You edit it by entering text in the "Biographical Info" field in the user admin panel.