Rais wa Nigeria, Muhammadu Buhari amesema raia wote wa Nigeria ambao wamekwama Libya watarejeshwa nyumbani na kusaidiwa kurejelea maisha ya kawaida kwani nchini humo wamekuwa wakiuzwa kama Mbuzi.
Muhammadu Buhari
Akizungumzia video za karibuni ambazo zimekuwa zikiwaonesha Waafrika wakiuzwa kwenye mnada wa watumwa nchini Libya, Rais Buhari amesema inasikitisha sana kuona “baadhi ya raia wangu wa Nigeria wanauzwa kama mbuzi kwa kiasi cha dola kadhaa nchini Libya”.
Ameonekana pia kushangaa iwapo raia wa Libya walijifunza lolote la maana tangu kuondolewa madarakani kwa Kanali Muammar Gaddafi mwaka 2011.
”Walichojifunza pekee ni kuwapiga watu risasi na kuua. Hawakujifunza kuwa mafundi wa umeme, mafundi wa mabomba au ufundi wowote ule,” amesema Buhari.
Kwenye video iliyotolewa na CNN mapema mwezi huu, vijana kutoka mataifa ya Afrika kusini mwa jangwa la Sahara walionekana wakiuzwa kama wafanyakazi wa mashambani kwa wanunuzi.
Kupitia ukurasa wake wa Twitter, Rais Buhari ameapa kupunguza idadi ya raia wa Nigeria wanaolazimika kufunga safari ndefu na hatari kupitia jangwa la Sahara na bahari ya Mediterranean kufika Ulaya.
The situation in Libya, of people being sold into slavery, is appalling and unacceptable. We will do everything to protect our citizens wherever they might be.— Muhammadu Buhari (@MBuhari) November 29, 2017
We have also started bringing back home all Nigerians stranded in Libya and elsewhere. We will ensure they all return home safely and are rehabilitated.— Muhammadu Buhari (@MBuhari) November 29, 2017
Chanzo : BBC
Ludewa yetu na maendeleo yetu posted by barnabas njenjema, kutoka Ludewa
0 comments:
Post a Comment