Louis van Gaal amemwambia Juan Mata kuonyesha uwezo wake kama kweli anahitaji namba ya kudumu katika kikosi cha kwanza ili asije kujikuta anawekwa bechi na kinda ambaye ni kiungo mshambuliaji wa klabu hiyo Andreas Pereira.
Mata amekuwa akitumiwa kama winga wa kushoto lakini katika michezo miwili ya mwisho amecheza kama kiungo wa kati na kuisaidia timu yake kuibuka na ushindi mnono dhidi ya Stoke City na Derby County.
“Nimeshamchezesha mata katika nafasi ambayo Perreira anacheza. Nadhani mnakumbuka,” alisema Mdachi huyo.
“Si kanakwamba nambadilisha nafasi, amejibadilisha mwenyewe kwa sababu hapo awali hakuwa akicheza vizuri. Hii ndiyo sababu.
“Sio suala la kocha au meneja, lakini endapo akicheza kama anavyocheza sasa, basi atakuwa akicheza namba 10.
“Tunatakiwa kuangalia kama atacheza pale dhidi ya Chelsea kesho. Labda nina namba 10 mwingine ambaye ni bora kuliko Mataa-Pengine Andreas Pereira ni mzuri zaidi.
“Sijadili hilo na ninyi bali nitajadili hilo na Juan Mata. Juan Mata anaonyesha kujua hilo na pengine anafanya vizuri sasa.”
United, ambao wako katika nafasi ya sita kesho watakuwa na kibarua kigumu pale watakapopambana na Chelsea katika dimba la Stamford Bridge.
Ludewa yetu na maendeleo yetu
0 comments:
Post a Comment