EUROPA LIGI: Klopp arejea kwako,Matokeo,Ratiba ya alhamisi.

MENEJA wa Liverpool Jurgen Klopp anarudi kwao Germany kwa mara ya kwanza tangu ateuliwe kuiongoza Klabu yake akiwa na Timu yake ambayo Alhamisi Usiku itaingia WWK Arena huko Bavaria kuivaa Augsburg katika Mechi ya Raundi ya Mtoano ya Timu 32 ya UEFA EUROPA LIGI.
Liverpool, ambao hawajafungwa katika Mechi 6 za EUROPA LIGI Msimu huu wakiwa chini ya Klopp tangu ashike hatamu Mwezi Oktoba, wanaingia kwenye Mechi na Augsburg wakitoka kuibonda Aston Villa 6-0 kwenye Mechi ya Ligi Kuu England.
Liverpool inatarajiwa kushusha Kikosi cha nguvu wakiimarishwa na Mastaa wao kadhaa waliokuwa Majeruhi kitambo ambao ni Daniel Sturridge, Philippe Coutinho na Divock Origi ambao walicheza walipoitwanga Villa.
Kwenye Bundesliga, Augsburg wapo Nafasi ya 14 na Jumamosi walitandikwa kwao na Mabingwa Watetezi na Vinara wa Ligi hii ya Germany, Bayern Munich, Bao 3-1. 
Huko Stadio Artemio Franchi, Firenze, Italy, Tottenham watacheza na Wenyeji wao Fiorentina kwenye Mechi nyingine ya Raundi ya Mtoano ya Timu 32 ya UEFA EUROPA LIGI.
Msimu uliopita, Fiorentina ndio iliitupa nje Tottenham kwa kuichapa 2-0 Uwanja huu huu lakini nao wakabwagwa na Sevilla ambao ndio walitwaa Taji hilo.
Chini ya Meneja Mauricio Pochettino, Tottenham itawakosa Majeruhi Jan Vertonghen na Clinton N'Jie lakini Nacer Chadli na Nabil Bentaleb huenda wakacheza baada ya maumivu yao kupona.
Jumapili iliyopita, Fiorentina, chini ya Kocha Paulo Sousa, waliitwanga Inter Milan 2-1 na kukamata Nafasi ya 3 kwenye Ligi ya Italy Serie A.

EUROPA LIGI
Raundi ya Mtoano ya Timu 32
Ratiba/Matokeo:
Jumanne Februari 16
Fenerbahce 2 Lokomotiv Moscow 0
Alhamisi Februari 18
[Kuanza Saa 2100]
Sevilla v Molde
Villarreal v Napoli
Borussia Dortmund v Porto
Anderlecht v Olympiacos
Fiorentina v Tottenham
St Etienne v Basle
Midtjylland v Manchester United
[Kuanza Saa 2305]
Valencia v Rapid Vienna
Augsburg v Liverpool
Sparta Prague v Krasnodar
Galatasaray v Lazio
Sion v Braga
Shakhtar Donetsk v Schalke
Marseille v Athletic Bilbao
Sporting Lisbon v Bayer Leverkusen
**Mechi za Marudiano ni Februari 25.
KALENDA

Raundi ya Timu 32-Mechi ya Kwanza: 18 Februari
Raundi ya Timu 32-Mechi ya Pili: 25 Februari
Raundi ya Timu 16-Droo: 26 Februari, Nyon
Raundi ya Timu 16-Mechi ya Kwanza: 10 Machi
Raundi ya Timu 16-Mechi ya Pili: 17 Machi
Robo Fainali-Droo: 18 Machi, Nyon
Robo Fainali-Mechi ya Kwanza: 7 Aprili
Robo Fainali-Mechi ya Pili: 14 Aprili
Nusu Fainali-Droo: 15 Aprili
Nusu Fainali-Mechi ya Kwanza: 28 Aprili
Nusu Fainali-Mechi ya Pili: 5 Mei
Fainali: 18 Mei, St. Jakob-Park, Basel, Uswisi

Ludewa yetu na maendeleo yetu

Share on Google Plus

About Rafiki Fm Ludewa

This is a short description in the author block about the author. You edit it by entering text in the "Biographical Info" field in the user admin panel.