Wakati Chanongo na Ubwa wanasubiri ndege kwenda Lubumbushi nilipata mawasiliano nao na kuongea nao kuhusu safari yao hiyo ambayo ikifanikiwa ni mwanzo mzuri kuelekea mafanikio yao kwenye soka.
Baada ya Mbwana Samatta na Thomas Ulimwengu kuonyesha uwezo mzuri kwenye uwanja na nidhamu nje ya uwanja, viongozi wa TP Mazembe wamevutiwa sana na wachezaji wa Tanzania ndio maana wanatafuta wachezaji wengine kutoka huku.
Chanongo alisema, “Mimi nilikua nataka nafasi na nimeipata, kilichobaki kwangu ni kuonyesha uwezo na juhudi kwenye trial ambayo ndio naelekea kuifanya huko Lubumbashi. Kwa mchezaji yoyote mwenye ndoto kwenye soka hili ni daraja kubwa kwangu na nitafanya kwa uwezo wangu mkubwa.”
Kwa upande wa Ubwa na yeye alisisitiza kufanya vizuri kwenye majaribio hayo ambapo lengo la kila mmoja ni kucheza kwenye club hiyo. Mwakalishi wa club hiyo bwana Frederic Kitengie alisema, “TP Mazembe tutaendelea kutoa nafasi za trial kwa wachezaji wengine kutoka Tanzania hivi karibuni. Kuna uwezekano mkubwa wa kuwaalika wengine waje kufanya trial hivi karibuni kwenye club yetu”
Ludewa yetu na maendeleo yetu
0 comments:
Post a Comment