HUKU Magazeti mbalimbali huko England yakitabiri sasa suala si kama atafukuzwa bali ni lini atafukuzwa, Meneja wa Chelsea Jose Mourinho anakabiliwa na Mechi ngumu Mwezi Novemba hasa za Ligi Kuu England dhidi ya Timu ambazo Msimu uliopita alishindwa kuzifunga na moja ikimwadhibu vibaya.
Timu hizo za Ligi Kuu England, kuanzia Liverpool ambayo Msimu uliopita walitoka Sare na safari ikaifunga Chelsea 3-1 hapo Juzi, nyingine ni Stoke City, Norwich City na Tottenham.
Mechi nyingine za Chelsea kwa Mwezi huu Novemba ni mbili za Kundi G la UEFA CHAMPIONZ LIGI dhidi ya Dynamo Kiev, ambayo walitoka nayo 0-0 kwenye Mechi ya Kwanza, na nyingine na Maccabi Tel Aviv ambayo waliichapa 4-0.
+++++++++++++++++++++++++++++++
Chelsea – Mechi zijazo:
UEFA CHAMPIONZ LIGI-Kundi G
Jumatano Novemba 4
2245 Chelsea v Dynamo Kiev
LIGI KUU ENGLAND
Jumamosi Novemba 7
2030 Stoke v Chelsea
LIGI KUU ENGLAND
Jumamosi Novemba 21
1800 Chelsea v Norwich
UEFA CHAMPIONZ LIGI-Kundi G
Jumanne Novemba 24
2245 Maccabi Tel-Aviv v Chelsea
LIGI KUU ENGLAND
Jumapili Novemba 29
1500 Tottenham v Chelsea
+++++++++++++++++++++++++++++++
Akisakamwa na matokeo mabovu yaliyomtupa Nafasi ya 15 kwenye Ligi wakiwa Pointi 14 nyuma ya Vinara Man City baada ya Mechi 11 ambazo Wameshinda 3, Sare 2 na Kufungwa 6, Jose Mourinho yuko taabani hasa kwa vile Chelsea ndio Mabingwa Watetezi.
Mwezi huu Novemba kwenye Ligi, watacheza Ugenini na Stoke City ambayo Msimu uliopita walitoka Sare 1-1 kisha kucheza Nyumbani na Norwich City ambayo nayo walitoka nayo Sare 0-0 na kumalizia na Tottenham ambayo Msimu uliopita iliibamiza Chelsea 5-3.
@ SOKA IN TANZANIA
Ludewa yetu na maendeleo yetu
0 comments:
Post a Comment