Nahodha wa klabu ya Simba SC Musa Hassan Mgosi amemfagilia mchezaji Brian Majwega ambaye anafanya mazoezi na kikosi cha Simba akisema kuwa mchezaji huyo ni mzuri na wao kama wachezaji wako tayari kumpokea na kumpa ushirikiano ili kuhakikisha Simba inafanya vizuri kwenye michuano ya ligi kuu ya Vodacom Tanzania bara msimu huu.
“Ni mchezaji mzuri tunampa ushirikiano ili tufanikishe kile ambacho wanasimba wanakihitji kwahiyo naamini kabisa mchezaji yeyote ambaye anakuja tutampokea tunaamini kaaminika ni mzuri kwahiyo tutampa umoja na tutashirikiana naye ili aoneshe uwezo wake kwa ajili ya kuisaidia Simba kupata mafanikio ya kushiriki mashindano ya kimataifa”, amesema Mgosi.
“Tunashukuru Mungu sasahivi wiki ya pili mazoezi yanaenda vizuri kilakitu kiko sawasawa wachezaji wote ambao hawapo kwenye timu za taifa tuko pamoja tunafanya mazoezi na hakuna majeruhi hata mmoja kwahiyo naamini kabisa bado tuko vizuri”.
“Mashabiki wa Simba wanatakiwa waangalie mabo ya msimu huu kutoka kwa timu yao, malengo ambayo tumejiwekea sisi ni vile vitu ambavyo wao wamevi-miss katika misimu mitatu iliyopita, kwahiyo naamini kabisa kila mchezaji anaumia na hilo na mwisho wa yote ni sisi kujituma na tunaamini kilakitu kitafanyika ilimradi Simba ipate nafasi ya kushiriki mashindano ya kimataifa”.
Mjwega ameingia kwenye mgogoro na klabu yake ya Azam na kuambua kuomba kufanya mazoezi kwenye kikosi cha Simba ili kujiweka fit muda wote lakini pia zipo tetesi kuwa mhezaji huyo huenda akasajiliwa na wekundu wa Msimbazi katika kipindi hiki cha dirisha dogo la usajili.
0 comments:
Post a Comment