Kama Bado Hujajiunga Nasi, Unaweza Kujiunga Hapa Nikutumie Habari Moja Kwa Moja ..Bofya HAPA ULIKE PAGE YETU!..
Wananchi wa kata ya Ludende wilayani Ludewa katika mkoa wa Njombe wameitupia lawama Halmashauri ya wilaya ya Ludewa kwa kushindwa kuikarabati barabara inayotoka kata ya Milo kupitia Ludende hadi Ketawaka hali inayosababisha kubeba maiti kwa kutumia pikipiki amaarufu kama bodaboda.
Akiongea kwa hisia kali mmoja wa wananchi wa kata hiyo aliyejitambulisha kwa jina la Peter Mgimba amesema ni muda mrefu mpaka sasa wamekuwa wakiahidiwa kuhusiana na ukarabati wa barabara hiyo jambo ambalo limebaki ni kitendawili.
Bw.Mgimba amesema katika kampeni za uchaguzi wa Serikali za mitaa Mwenyekiti wa Halmshauri ya wilaya ya Ludewa Mh.Mathei Kongo aliweza kuahidi kuwa baada ya siku tano barabara hiyo ingefanyiwa matengenezo lakini mpaka sasa ni mwezi mmoja umepita hakuna jambo linalofanyika.
Bw.Mgimba anasema kijiji cha Ludende ni maarufu kwa uzalishaji wa mazao ya mahindi,alizeti na mbao lakini uwezekano wa kuyasafirisha mazao hayo hadi sokoni ni mgumu kutokana na ubovu wa barabara hali hiyo ni mbaya zaidi inapelekea kuwabeba wagonjwa katika machela na maiti katika bodaboda umbali wa kilomota 15 kutoka kijiji cha Ludende hadi hospitari ya Milo.
“Tunapata shida sana na ubovu wa hii barabara kwani tumechoshwa na ahadi za viongozi wa Halmashauri,tumekuwa tukiishi maisha ya ajabu kwani mpaka leo tunasafirisha maiti kwa kutumia bodaboda kwa umbali wa kilomita 15 kwa kiasi cha shilingi laki moja jambo ambalo si haki kama wananchiwa Tanzania”,alisema Mgimba.
Alipojaribu kutafutwa kwa njia ya simu ya kiganjani Mwenyekiti wa Halmashauri Mh.Kongo ili aweze kujibia jambo hilo hakuweza kupatikana lakini juhudi za kumtafuata zinaendelea ili aweze kutoa majibu ya ahadi yake ambayo aliwaahidi wananchi wa kata ya Ludende.
Mwisho.
@habari ludewa
0 comments:
Post a Comment