Katibu Bakwata aanguka na kufariki chooni

Jivunie kuwa mwana ludewa

Katibu Mkuu wa Bakwata Mkoa wa Mbeya, Juma Killa (wa pili kushoto) wakati wa uhai wake.
MAJANGA! Siku chache baada ya aliyekuwa Shehe Mkuu wa Wilaya ya Mbeya, Abubakar Mketo kufariki dunia akiwa kaburini akizika, kiongozi mwingine wa Kiislam, Katibu Mkuu wa Bakwata Mkoa wa Mbeya, Juma Killa naye amefariki dunia baada ya kuanguka chooni.

Marehemu Killa alianguka chooni nyumbani kwake, Mtaa wa Majengo jijini hapa Desemba 7, mwaka huu na kukimbizwa Hospitali ya Rufaa ya Mkoa wa Mbeya kwa matibabu.

Kwa mujibu wa habari za kifamilia, marehemu alifariki dunia asubuhi ya Desemba 8, mwaka huu hospitalini hapo baada ya hali yake kuwa mbaya tangu alipoanguka chooni siku moja nyuma. “Baada ya kufikishwa hospitalini hali yake ilizidi kuwa mbaya. Ilipofika asubuhi ya Desemba 8, mwaka huu alifariki dunia. Jamani, watu wengi wanaoanguka chooni hupoteza maisha, sijui kwa nini?” alihoji mwanafamilia mmoja huku akiomba jina lake lisiandikwe gazetini.

Ndugu huyo alisema mwili wa marehemu ulitarajiwa kusafirishwa jana kwenda, Songwe, Chunya mkoani hapa kwa mazishi. Mbali na kuwa katibu, marehemu pia alikuwa Mjumbe wa Chama cha Mpira wa Miguu Mkoa wa Mbeya.

Kwa upande wa Shehe Mketo yeye alifariki dunia kwenye Makaburi ya Nonde jijini hapa alipokuwa akitoa mawaidha katika swala ya mazishi ya mwanamke mmoja aliyejulikana kwa jina la Mayasa Salmini au Bibi Majuto.

Kifo cha shehe huyo kiligubikwa na maswali mengi kwani mauti yalimkuta wakati akiwaambia waombolezaji kuishi kwa kumwomba Mungu kwa vile mauti humkuta binadamu wakati wowote, hata yeye anaweza kufa baada ya kumaliza mawaidha yake ambapo ghafla alianguka kweli na kufa!

Share on Google Plus

About Rafiki Fm Ludewa

This is a short description in the author block about the author. You edit it by entering text in the "Biographical Info" field in the user admin panel.