Manchester United wamethibitisha kuwa wamemsajili kiungo wa Juventus Paul Pogba kwa rekodi ya dunia, kwa mujibu wa tovuti rasmi ya United.
Baada ya sakata ya muda mrefu, vigogo wa Ligi Kuu ya Uingereza mwishowe walikubali Jumapili kuwa Mfaransa wa kimataifa alikuwa karibu kurudi Old Trafford wakitangaza kwamba anatarajiwa kufanyiwa vipimo vya afya.
Jumanne asubuhi, United waliandika kwenye akaunti ya Twitter kwamba mchezaji wao wa zamani amesaini mkataba wa miaka mitano na chaguo la kuongeza mwaka zaidi.
Dili laripotiwa kuwa na thamani ya pauni milioni 89(£89m) – na kuvunja rekodi ya dunia ya uhamisho ya £85m, wakati Gareth Bale alihama kutoka Tottenham Hotspur kuelekea Real Madrid.
Paul Pogba amesema: “Nina furaha kujiunga na United. Ilikuwa klabu daima yenye nafasi maalum moyoni mwangu na nasubiri kwa hamu kufanya kazi na Jose Mourinho.
“Nilifurahia muda wangu katika Juventus na nilikuwa na baadhi ya kumbukumbu staajabu za klabu kubwa na wachezaji ambao mimi nawapata kama marafiki. Lakini mimi nahisi huu ndio wakati mwafaka kurudi Old Trafford. Kila wakati nafurahia kucheza mbele ya mashabiki na siwezi kusubiri kutoa mchango wangu kwa timu. Hii ni klabu mwafaka kwangu kufikia kila kitu ninachotumaini katika mchezo.