Samatta akabidhiwa kwa kocha wa Paris

Mshambuliaji Mbwana Samatta.

Ibrahim Mussa na Khadija Mngwai
WAKATI mshambuliaji Mbwana Samatta, juzi Jumatano akirejea katika klabu yake ya TP Mazembe ya DR Congo, amejikuta katika mazingira mapya baada ya kukabidhiwa kwa kocha wa zamani wa timu ya taifa ya Togo, Hubert Velud.
Velud raia wa Ufaransa ambaye pia aliwahi kuwa kocha wa Paris FC mwaka 1995 mpaka 1999, ambayo kwa sasa inashiriki inashiriki Ligue 2 ya Ufaransa, ametua Mazembe akitokea Klabu ya USM Alger ya Algeria na kuchukua mikoba ya Mfaransa mwenzake Patrice Carteron.
Samatta ambaye alikuwa mbioni kutua Genk ya Ubelgiji, dili lake lilikwama kutokana na mmiliki wa Mazembe, Moise Katumbi kugoma kumuachia.
Meneja wa Samatta, Jamal Kisongo, ameliambia Championi Ijumaa kuwa nyota huyo amerejea katika kituo chake cha kazi ili kuweza kuongeza msukumo wa kuondoka kutokana na Katumbi kutokuwa tayari kupata hasara kutoka kwa straika huyo.
“Samatta tayari amerejea Congo…Hili litasaidia kumpa presha Katumbi ya kumuuza maana hatoweza kukubali apate hasara ya jumla, hivyo atalazimika kukubali matakwa ya mchezaji mwenyewe.
“Lakini pia tumeacha nafasi kwa serikali nayo ione inaweza kutusaidia vipi kwa kuwasiliana na Katumbi ili kuweza kulimaliza jambo hili,” alisema Kisongo.




Ludewa yetu na maendeleo yetu

Share on Google Plus

About Rafiki Fm Ludewa

This is a short description in the author block about the author. You edit it by entering text in the "Biographical Info" field in the user admin panel.