LOWASSA AZUNGUMZA HAYA MAZITO KUHUSU KIFO CHA MWENYEKITI MWENZA WA UKAWA NA MWENYEKITI WA NLD EMANNUEL MAKAIDI

 

Nimepokea kwa mshtuko mkubwa taarifa za kifo cha Mwenyekiti wa NLD na mwenyekiti mwenza wa UKAWA katika uchaguzi mkuu huu, Mzee Emmanuel Makaidi, aliyefariki leo katika hospitali ya Nyangao Lindi kwa maradhi ya shinikizo la damu.

Mzee Makaidi ulikuwa Simba wa mabadiliko. Pamoja na umri wako mkubwa lakini muda wote uliweza kuhimili vishindo vya mahasimu wa mabadiliko. Ulipambana mpaka pumzi yako ya mwisho katika kuleta mabadiliko ya kisiasa ambayo ndiyo kiu ya watanzania.

Mzee Makaidi ulikuwa moja ya nguzo imara katika umoja wetu wa UKAWA, hekima, busara na uaminifu wako ndivyo vilivyoufanya umoja wetu wa UKAWA kuwa tumaini jipya na pekee kwa Watanzania.

Umefariki siku 10 tu kabla ya kwenda kupiga kura. Nawaomba Watanzania tumuenzi shujaa huyu wa mabadiliko kwa kuwapatia kura wagombea wote wa UKAWA kuanzia ngazi ya udiwani hadi urais. Mzee Makaidi tunakuahidi kuendeleza bila kuchoka, kazi uliyoiacha ya kuwaletea watanzania mabadiliko ili waondokane na umasikini. 

MUNGU AKULAZE MAHALI PEMA PEPONI AMEEN.

Chagua kiongozi bora ili kuleta mabadiliko

Share on Google Plus

About Rafiki Fm Ludewa

This is a short description in the author block about the author. You edit it by entering text in the "Biographical Info" field in the user admin panel.