Mkuu Mpya wa Mkoa wa Mwanza Atoa Onyo kwa Jeshi la Polisi......Apiga STOP Matumizi ya Mabomu kuwakabili Machinga

Mkuu Mpya wa mkoa wa Mwanza, Magesa Mulongo, amelitaka jeshi la polisi mkoani Mwanza kutotumia nguvu pamoja na kufurumusha mabomu ya machozi kuwatimua wafanyabiashara ndogondogo maarufu kama machinga mara wanapoombwa na halmashauri ya jiji bila kupata maelekezo. Akizungumza na waandishi wa habari baada ya kuhitimisha ziara yake ya ghafla katika wilaya ya Nyamagana, Mulongo amesema kamanda wa polisi wa mkoa huo, hatakiwi kuruhusu polisi wake kuwafyatulia mabomu machinga huku viongozi wa jiji wakiwa wamekaa ofisini bila kujishughulisha kusikiliza malalamiko yanayowakabili. Aidha, Mulongo ameutaka uongozi wa halmashauri ya jiji la Mwanza kuhakikisha tatizo la uchafu linamalizwa ili kuliweka jiji hilo katika hali ya usafi zaidi. Pia mkuu wa mkoa huyo amemtaka afisa afya wa jiji, Danford Kamenya na mwenyekiti wa kikosi kazi cha usafi wa jiji, Kaobwe Phidelis, kufanya mazungumzo ya amani na wafanyabiashara ndogo ndogo na kuwatafutia maeneo yaliyoboreshwa.

Share on Google Plus

About Rafiki Fm Ludewa

This is a short description in the author block about the author. You edit it by entering text in the "Biographical Info" field in the user admin panel.