Familia, polisi, kanisa wamtenga askari aliyejiua kwa risasi mdomoni.....Mama mzazi asema kujiua ni ishara ya mkosi katika familia

Polisi aliyejiua kwa kujipiga risasi mdomoni, Aloyce Mafuru (24), amezikwa katika makaburi ya Mugumu, Wilaya ya Serengeti, Mkoa wa Mara bila huduma za kidini na kijeshi. Askari huyo aliyekuwa dereva wa Kamanda wa Polisi Wilaya ya Manyoni, Alute Makita alijiua Februari 2 nyumbani kwake na kuacha ujumbe kuwa polisi wasiangike kufanya uchunguzi kwani huo ni uamuzi wake binafsi. Paroko wa Kanisa Katoliki Mugumu, Padri Aloyce Magabe jana aliwaeleza waombolezaji kuwa ingawa Mafuru alipata kipaimara, lakini kujiua kumesababisha kanisa kushindwa kuendesha ibada ya mazishi kwa kuwa kitendo hicho siyo mapenzi ya Mungu. “Haifai kusema bwana ametoa na bwana ametwaa, maana tendo alilofanya huyu halimtukuzi Mungu bali shetani, maana ni kama ilivyofanyika kwa Kaini na Abel. “Kaini alimuua ndugu yake na Mungu akamwambia atubu dhambi, akawa mkaidi kwa sababu alikuwa na roho ya shetani na matokeo yake alipata shida,”alisema Padri Magabe. Aliwataka waombolezaji kushirikisha watu wengine matatizo yao badala ya kujiua, kwa kuwa uamuzi wa kujiua ni matokeo ya kutotafuta ushauri na kueleza kuwa tendo kama hilo linakosa utukufu kwa Mungu. Kwa mujibu wa Jeshi la Polisi Manyoni, taratibu za mazishi ya kijeshi hufanywa kwa askari aliyeuawa, aliyeugua au aliyepata ajali, lakini anayejiua hapewi heshima hizo.

Share on Google Plus

About Rafiki Fm Ludewa

This is a short description in the author block about the author. You edit it by entering text in the "Biographical Info" field in the user admin panel.