GABON YAANZA VYEMA AFCON, YAICHAPA 2-0 BURKINA FASO

GABON imepanda kileleni mwa Kundi A Kombe la Mataifa ya Afrika kufuatia ushindi wa mabao 2-0 dhidi ya Burkina Faso Uwanja wa Bata usiku wa Jumamosi.
Mshambuliaji wa Borussia Dortmund, Pierre-Emerick Aubameyang, aliifungia Gabon bao la kwanza dakika ya 19, kabla ya Malick Evouna kufunga la pili dakika ya 72.
Gabon sasa inaanza na pointi tatu kileleni mwa kundi, mbele ya wenyeji Equatorial Guinea wenye pointi moja sawa na Kongo baada ya sare ya 1-1 baina yao, wakati Burkina Fasso inashika mkia ikiwa haina pointi.
Katika mchezo uliotagulia, bao la dakika ya 87 la Bifouma Koulossa liliinusuru Kongo kulala mbele ya wenyeji Equatorial Guinea.
Nsue Lopez alitangulia kuwafungia wenyeji dakika ya 16 na ilibaki kidogo Equatorial Guinea waanze na ushindi.
Mechi ijayo, Equatorial Guinea watamenyana na Burkina Faso, wakati Kongo itaivaa Gabon mjini Bata Januari 21

Share on Google Plus

About Rafiki Fm Ludewa

This is a short description in the author block about the author. You edit it by entering text in the "Biographical Info" field in the user admin panel.